सुनसरीमा एकसातासम्म निषेधाज्ञा थपियो (आदेशसहित)

छाल खवर
धरान,१३ जेठः सुनसरीमा एक सातासम्म लकडाउनको समय थप गरीएको छ ।

जिल्ला प्रशासन कार्यालय सुनसरीले यसअघि जारी लकडाउन जेठ १५ गते राति १२ बजेदेखि सकिन लागेकोलेले थप एकसाताका लागि थप गरीएको हो ।

सहायक प्रमुख जिल्ला अधिकारी महेश पोखरेलका अनुसार आज बसेको डिसिसिएमसि बैठकले जेठ २२ गतेसम्मको लागि निषेधाज्ञा थप गर्ने निर्णय गरेको हो ।

एक साता अवधि थप गर्नेबोहक विगतमा भएको निर्णय खुकुलो बनाउने कुनै परिवर्तन नगरिएको पोख्र्रेलले जानकारी दिएकाछन् ।

यस अघि भएको निर्णमा कुनै पनि परिवर्तन नगरीएको वताउदै निषेधाज्ञा २२ गतेसम्म थपिएको र अरु कुनै त्यस्तो निर्णय भएको वा परिवर्तन नगरिएको साथै बजार, पसल, हिडडुल सबै प्रतिबन्ध नै रहेको थप जानकारी दिएकाछन् ।

कोरोना संक्रमणको वृद्धिदर पनि कम नभएकोले निषेधाज्ञाको समय थप गर्ने निर्णय गरीएको पोख्रेलको भनाई रहेको छ ।

सरकारले ल्याएको नयाँ अध्यादेश अनुसार निषेधाज्ञा उल्लंघन गर्नेलाई कारबाही गर्ने निर्णय गरेको पोखरेलले जानकारी दिए ।