समाजसेवी किशोर राईद्धारा कोरोना संक्रमितका लागि निःशुल्क एम्वुलेन्स सेवा 

छाल खवर

धरान,१५ जेठ ः नेपाली कांग्रेसका सुनसरी जिल्ला सदस्य तथा धरान नगर पूर्व सभापति किशोर राईले कोरोना संक्रमितका लागि निःशुल्क एम्वुलेन्स सेवा उपलव्ध गराएकाछन् ।

राजनीति तथा खेलकुद क्षेत्रको अलवा सामाजिक क्षेत्रमा सकेत क्रियाशिल राईले कोरोना महामारीको समयमा एम्वुलेन्स सेवाको अभावम समयमा अस्पताल जान ढिला भई मृत्यु हुने गरेकोले विरामीको सेवाको लागि उनले एम्वुलेन्स सेवाको व्यवस्था गरेका हुन् ।

समाजसेवी राईले कोरोना महामारीको जोखिम व्यहोरेर विरामी ओसार पसार गर्नुपरेपनि चालकहरुलाई सुरक्षाका लागि पिपिई र उनीहरुको जीवन जोखिमका लागि भविष्यका लागि कुनैपनि व्यवस्था नभएकोले धरान क्षेत्रमा कार्यरत ४६ जना एम्वुलेन्स चालकहरुलाई जीवन विमा गराई दिने समेत राईले वताएकाछन् ।

चालकहरुलाई राज्यले पनि विमा नगरीदिएको उनीहरुको जीवन जोखिम हुनुका साथै परिवारमा समेत कुनै आधार नहुने भएकोले विमा गरीदिन लागिएको जनाएकाछन् ।

उनले कोरोना महामारीबाट विश्व नै आक्रान्त वनि रहेको अवस्थामा केही मात्रामा भएपनि समाजमा यो वेला सहयोग पुर्याउने उदेश्यले यो कार्यक्रम गरीएको राईको भनाई रहेको छ ।

कोरोना महामारीको समयमा स्वास्थ्य प्रोटोकलको रुपमा रहेको माक्स सेनिटाइजर अति अपरीहार्य रहेकोले सुकुम्वासी क्षेत्रमा ५ हजार पिस माक्स वितरण गर्न लागिएको जानकारी गराएकाछन् ।

एम्फाका पूर्व केन्द्रीय समेत राईले सामाजिक क्षेत्र बाहेक खेलकुद क्षेत्रमा समेत कार्य गर्दै आएकाछन् ।उनले आफ्ना वुवा आमाको स्मृतिमा गत वर्ष पृथ्वी लक्ष्मी स्मृति व्याडमिन्टन ओपन प्रतियोगिता समेत गराएका थिए ।

धरान फुटवल क्लवका अध्यक्ष समेत रहेका राईको नेतृत्वमा धरानमा अन्तर्राष्ट्यि फुटवल प्रतियोगिता गराउदै धरानलाई खेलकुदको राजधानीको पहिचान गराउदै आएको छ ।