धरानकी पहिलो महिला अधिकृत थापाको निधन

छाल खवर
धरान,२६ जेठः धरानकी पहिलो महिला अधिकृत तुलसी थापाको ७४ वर्षको उमेरमा निधन भएको भएको छ ।

स्व. थापाको गत २३ गते लाइफ गार्ड अस्पताल विराटनगरमा मृगौला रोगको कारण निधन भएको थियो ।

पहिलो महिला अधिकृत थापाले २०४७ सालदेखि २०४९ सालसम्म नेपाल बैक लिमिटेड धरान शाखामा शाखा प्रवन्धकको रुपमा कार्य गर्नु भएको थियो ।

स्व. थापा मगरले वि.सं. २०२८ सालमा टाइपिष्ट पदमा विराटनगरबाट सेवा प्रारम्भ गर्नु भएको थियो । उहाँले टाइपिष्ट पदबाट सेवा प्ररम्भ गरी नेपाल बैंक लिमिटेट धरान शाखामा शाखा प्रवन्धक र अधिकृत पद गरी ३० वर्षसम्म लामो समय सेवा प्रदान गर्नु भएको थियो ।

गीत संगितमा रुची राख्नु हुने स्व। थापा। नेपाली साहित्य संगितमा एक सर्जक पनि हुनु हुथ्यो । उहाँको “पहाडबाट झरेका खोलाहरू झै बेसाहारा” र “आफ्नो छदा छदै पनि बिबश भै दिने म” जस्ता गीतहरु लेख्नु भयेको थियो । यी शब्दहरु भएको गीतहरुको सङ्गीत संगितकार रमेश श्रेष्ठ ले गर्नु भयेको थियो ।

लामो समयसम्म मृगौला रोगबाट पिडित थापाको उपचार वि.पि.कोइराला स्वास्थ विज्ञान प्रष्ठिानमा भइरहको थियो । उनको आफ्नै भाई प्रदिप थापाले दिएको जानकारी अनुसार वि.पि.कोइराला स्वास्थ विज्ञान प्रतिष्ठानमा उहाँलाई भर्ना गरिएको थियो ।