मारवाडी मिड यूथको रक्तदानमा२ सय ३ पिन्ट रगत संकलन

छाल खवर
धरान,५ असार ः मारवाडी मिड यूथ धरानले शनिवार आयोजना गरेको रक्तदान कार्यक्रममा २ सय ३ पिन्ट रगत संकलन भएको छ ।

कोरोना महामारीको बिचमा आयोजना गरीएको कार्यक्रममा पनि लक्ष्यभन्दा पनि बढी रगत संकलन भएको मारवाडी मिड यूथ धरानका संयोजक अनिल कुमार अग्रवालले जानकारी दिएकाछन् ।

उनका अनुसार १ सय ५० पिन्ट रगत संकलन गर्ने लक्ष्य राखिएकोमा २ सय ३ पिन्ट रगत संकलन भएको छ ।

कोरोना महामारीले गर्दा प्रदेश १ का विभिन्न अस्पतालहरूमा बिरामीले रगत नपाएर अकालमा ज्यान गुमाउन थालेपछि समाजले रक्तदान कार्यक्रमको आयोजना गरीएकोे आयोजकले जनाएकोछ ।

कार्यक्रम संयोेजक अग्रवालका अनुसार प्रदेश १ का ब्लड बैङ्कहरूमा रगतको चरम अभाव भइरहेको र यसले बिरामीहरूको उपचारमा गम्भीर समस्या परेको थाहा पाए पछि मारवाडी युथले बिरामीहरूको उपचारमा सहज होस् भनेर रक्तदान गरेको थियो ।

रेडक्रस सुनसरीका सभापति उमेश थापाले प्रदेश १ मा रगतको चरम अभाव भइरहेको बेला रक्तदान गरी सहयोग गरेको भन्दै रक्तदान गर्नेहरूलाई धन्यवाद दिए ।

प्रदेश १ का धरान, विराटनगर र झापामा रहेका ब्लड बैङ्कहरूमा विभिन्न समूहको रगत अभाव हुँदा बिरामीको उपचारमा गम्भीर समस्या भइरहेको चिकित्सकहरूले बताएका छन् ।

मारवाडी युथले पहिलो लकडाउन सुरु भए देखि नै विभिन्न सामाजिक कार्य गदै आएको छ ।