केन्द्रमा शेर बहादुर देउवाको घोषणा ,धरान नगरमा किशोर राईको उम्मेद्वारी घोषणा धरानलाई नेपाली काँग्रेसको किल्ला वनाउने प्रतिवद्धता

छाल खवर
धरान,७ असार ःसामुहिक नेतृत्व,मजवुत संगठन र पारदर्शिता, सुनिश्चित सुशासन हाम्रो प्रतिवद्धता भन्ने मुल नारा तय गर्दै नेपाली काँग्रेसको चौधौं महाधिवेशनमा किशोर राईले नेपाल कै पहिलो पटक नगर सभापतिमा आफ्नो उम्मेद्वारी घोषणा गरेकाछन् ।

राईले १४ औं महाधिवेशनका लागि धरान नगर सभापतिमा आफ्नो उम्मेद्वारी घोषणा गरेका हुन् ।

राईले सोमबार विज्ञप्ति जारी गर्दै धरान नगर सभापतिमा आफुले उम्मेदवारी घोषणा गरेको जानकारी दिएका हुन् ।

आफु नगर सभापति भएको खण्डमा धरानलाई नेपाली काँग्रेसको किल्ला वनाउने उनले उल्लेख गरेकाछन् ।

उनले स्थानीय तहको उपनिर्वाचनमा पार्टीका उम्मेद्वारलाई विजयी गराउनको लागि आफ्नो महत्वपूर्ण भूमिका रहेको दावी गर्दै कांग्रेसलाई एकढिक्का वनाउदै समग्र पार्टीलाई सुदृढ र सक्षम वनाउन सवै शक्ति खर्चिने वताएकाछन् ।

राईले छाल खवरलाई प्रतिक्रिया दिदै भने पार्टी भित्र सुशासन,सामुहिक नेतृत्वको अभ्यास र धरानको प्रमुख मुद्दाहरुको कार्यान्वयनको लागि मेरो उम्मेद्वारी हो ।

राई पूर्व धरान नगर सभापति तथा हालका जिल्ला सदस्य समेत हुन । राजनीतिक क्षेत्रसंगै खेलकुद क्षेत्रमा समेत पहिचान वनाएका राई एन्फाका पूर्व उपाध्यक्ष तथा प्रदेश नं १ का वर्तमान अध्यक्ष समेत हुन । धरानलाई खेलकुदको शहर उपनामले पहिचान गराउन राईको योगदान महत्वपुर्ण रहेको छ ।

उनले आगामी अधिवेशनलाई एकताको अधिवेशनको रूपमा लिई नेपाली काँग्रेस पार्टीलाई नयाँ उचाइमा पुर्‍याउन साथै सबल, सक्षम र समन्वयकारी नेतृत्वको चयन गर्न समेत विज्ञप्तिमा अपिल गरेकाछन् ।

आम कार्यकर्ताहरुको सल्लाह सुभाव र सवैको भावना अनुसार विगतमा पनि आफूले काम गर्दै आएको र आगामी दिनमा पनि सवैको भावना अनुसार काम गर्दै जाने प्रतिवद्धता जनाउदै सभापतिमा निर्वाचित हुनेमा आफू विस्वस्त रहेको उनले जिकिर गरेकाछन् ।