नेपाल यातायात स्वतन्त्र मजदुर संगठनद्धारा रक्तदान

छाल खवर
धरान,१० असार ः नेपाल यातायात स्वतन्त्र मजदुर संगठन धरानको आयोजनामा वुधवार धरानमा रक्तदान कार्यक्रम सम्पन्न भएको छ ।

संस्थाको ४२औँ स्थापना दिवसको अवसरमा धरानमा रक्तदान कार्यक्रम सम्पन्न गरेको हो ।

संगठनका नगर अध्यक्ष कमल भट्टराईका अनुसार कोरोना महामारिको समयमा स्वास्थ्य मापदण्डलाई पालना गर्दै रक्तदान कार्यक्रम सम्पन्न गरिएको जानकारि दिएका छन् । रक्तदान कार्यक्रममा ८१ पिन्ट रगत संकलन भएको अध्यक्ष भट्टराईले जानकारी दिए ।

नेपाल यातायात स्वतन्त्र मजदुर संगठनका केन्द्रिय सदस्य तथा एमाले नेता लक्ष्मी बानिया प्रमुखको आतिथ्यतामा कार्यक्रम सम्पन्न भएको थियो ।