उवासंघ सुनसरीद्धारा स्वागत र विदाईलाई निरन्तरता संघको गरीमालाई नघटाउन उद्योगी व्यापारीहरुको आग्रह

छाल खवर
धरान,१५ असार ः सुनसरी उद्योग वाणिज्य संघ,धरानले प्रहरी प्रमुखको विदाई र स्वागतको कार्यक्रमलाई निरन्तरता दिएको छ ।

धरानका अन्य सरकारी कार्यालयका प्रमुख आउदा जादा खासै वास्ता नगर्ने सुनसरी उद्योग वाणिज्य संघले इलाका प्रहरी कार्यालयका प्रमुख आउदा स्वागत र जादा विदाई गर्दै आएको छ ।

इलाका प्रहरी कार्यालय धरानमा कार्य अवधि पुरा भएर सरुवा हुन लागेका डिएसपी ज्ञानेन्द्र बस्नेतलाई विदाई गर्दै उनको ठाउमा आएका डिएसपी नरेन्द्र कुवँरलाई संघले आफ्नै कार्यकक्षमा स्वागत गरेको थियो ।

कार्यक्रममा डिएसपी नरेन्द्र कुँवरले सुनसरी उद्योग वाणिज्य संघको सदैव सहकार्यको अपेक्षा गरेका छन् । कुवँरले आर्थिक गतिविधि हुने वैक,लघुवित्त संस्था र व्यवसायीहरुलाई सुरक्षाका लागि प्रहरी सदैव संवेदनशिल रहने बताएका थिए ।

गिरीधारी सापकोटाको सभापतित्वमा भएको सो कार्यक्रम महासचिव राजेश अग्रवालले सञ्चालन गरेका थिए भने प्रथम उपाध्यक्ष शिवराज श्रेष्ठले धन्यवाद ज्ञापन गरेका थिए ।

यता केही उद्योगी व्यापारीहरुले भने सरुवा भएर जाने र आउने प्रकृया भएकोले उद्योग वाणिज्य संघले आफ्नो गरीमालाई गिराएर यस्ता कार्य गर्न नहुने प्रतिक्रिया दिएकाछन् ।

सुनसरी उद्योग वाणिज्य संघ जिल्लास्तरीय संस्था भएकोले संघको जिल्ला भित्र धेरै सो प्रकृतिको कार्यालय भएकोले एउटा ठाउ विशेषकोमा यस्ता कार्य गरेर संघको गरीमालाई नघटाउन आग्रह गरेकाछन् ।

स्वागत र विदाई जस्ता सामान्य कार्यालय प्रकृयामा नल्मलिनको लागि समेत संघका अध्यक्ष तथा अन्य पदाधिकारीहरुलाई व्यापारीहरुले सुझाव दिएकाछन् ।

उनीहरुले भनेकाछन् –नेतृत्वमा को आउछ को रहन्छ त्यो समय अनुसारको कुरा हो तर संघको गरीमालाई भने कायम राख्नु पर्दछ । त्यो गरीमा कायम राखियो भने भोलीका दिनमा अरु नेतृत्व आउदा पनि त्यो संस्थाको गरीमा माथि रहन्छ ।

सुनसरी जिल्ला भित्रमा इलाका प्रहरी कार्यालय धरान,इलाका प्रहरी कार्यालय इटहरी,
इलाका प्रहरी कार्यालय दुहवी,इलाका प्रहरी कार्यालय महेन्द्रनगर,इलाका प्रहरी कार्यालय पकली गरी ५ वटा इलाका प्रहरी कार्यालय रहेकाछन् ।