एमाले दोश्रो तहका नेता छलफलमा,सहमति जुटने विश्वास

छाल खवर
काठमाडौं,१७ असार ःपार्टी एकताको कुरालाई टुङ्गाउने भन्दै नेकपा (एमाले) का दोश्रो तहका नेता पुनः छलफलमा जुटेका छन् ।

ललितपुरको कुपण्डोल हाईटमा अवस्थित होटल समिटमा जारी छलफलमा पार्टी अध्यक्ष केपी शर्मा ओली र वरिष्ठ नेता नेपाल समुहका दोश्रो तहका नेता सहभागी छन् ।

श्रोतका अनुसार अध्यक्ष ओलीको तर्फबाट अर्थमन्त्री विष्णु पौडेल, सुवास नेम्वाङ्ग र लुम्बिनि प्रदेशका मुख्यमन्त्री शंकर पोखरेल ,विष्णु रिमाल र नेता नेपालको तर्फबाट भीम आचार्य, घनश्याम भुसाल, सुरेन्द्र पाण्डे र गोकर्ण विष्ट सहभागी छन् । गएराती करिब ९ बजेसम्म बसेर सहमति खोज्ने प्रयास भएपनि सार्थक निष्कर्ष निस्कन सकेको थिएन ।

श्रोतका अनुसार नितिगत सहमति भैसकेपनि भाषा के राख्ने भन्ने विषयमा सहमति बन्न नसकेको हो ।

आजै दिउसो वरिष्ठ नेता नेपाल पक्षले आफु पक्षिय स्थायी कमिटि बैठक बोलाएको सन्दर्भमा बिहानै बैठक गरेर सहमतिको प्रस्ताव स्थायी कमिटिमा लैजान खोजेको हुनसक्ने आँकलन गरिएको छ ।

सहमति कै लागि भन्दै अध्यक्ष केपी शर्मा ओलीले १० औ महाधिवेशन आयोजक कमिटी समेत विघटन गरीसकेकाछन् ।