माओवादी केन्द्र बैधानिक रहेको निर्वाचन आयोगको भनाई

छाल खवर
काठमाडौं,२७ असार ः नेकपा (माओवादी केन्द्र) वैधानिक भएको निर्वाचन आयोगले जनाएको छ ।

आयोगमा माओवादी केन्द्र विघटन गर्नुपर्ने माग गरी दर्ता निवेदन परेपछि आयोगले छानविन गरी वैधानिक भएको जानकारी गराएको हो ।

आयोगले विघटन गर्नुपर्ने मागको निवेदनलाई खारेज गरेको छ ।

माओवादी केन्द्रविरुद्ध परेको निवेदनमाथि आइतबार निर्वाचन आयोगले छानविन गरेको थियो ।

माओवादी विघटन गर्नुपर्ने माग गरी दर्ता भएको निवेदन खारेज गरिएको आयोगका प्रवक्ता राजकुमार श्रेष्ठले जानकारी दिएकाछन् ।

श्रेष्ठका अनुसार माओवादी केन्द्र वैधानिक रहेको आयोगले ठहर गरेको छ।नेकपा (एमाले)मा प्रवेश गरेका पूर्वमाओवादी नेताहरूका तर्फबाट अधिवक्ता सरोज बुढाथोकीले माओवादीविरुद्ध आयोगमा निवेदन दिएका थिए।

उनले पुष्पकमल दाहाल नेतृत्वको नेकपा (माओवादी केन्द्र)को वैधानिकतामा प्रश्न उठाउदै खारेज गर्न माग गरेका थिए।
टोपबहादुर रायमाझी, प्रभु साह, मणि थापा र गौरीशंकर चौधरीले आयोग पुगेर निवेदनमाथि छानविन गर्न माग गरेका थिए।

नेपालको संविधान, प्रचलिन कानून, राजनीतिक दल सम्बन्धी ऐन र उपलब्ध तथ्यहरूका आधारमा माओवादी केन्द्र वैधानिक रहेको आयोगले ठहर गरेको प्रवक्ता श्रेष्ठको भनाई रहेको छ ।