भेडेटारमा तरुण डिफेन्स फोर्स गठन

छाल खवर
धरान,५ साउन ःनेकपा एमालेले लडाकु दस्ता युथ फोर्सलाई व्युताएपछि नेपाली कांग्रेसले पनि तरुण डिफेन्स फोर्स गठन गर्न थालेको छ ।

धनकुटाको साँगुरीगढीमा नेपाली कांग्रेसको लडाकु दस्ता गठन भएको हो ।

सोमवार भेडेटारमा सम्पन्न भएको तरुण भेलाले दिपेन लिम्बुको संयोजकत्वकमा १ सय ५१ सदस्यीय तरुण डिफेन्स फोर्स सागुरीगढी गठन गरेको पार्टीले जनाएको छ ।

नेपाल तरुण दल धनकुटका अध्यक्ष दिनेश राईले लोकतन्त्र विरोधी र भष्ट«ाचारीहरुको विरुद्ध खवरदारी गर्नका लागि तरुण डिफेन्स फोर्स गठन गरीएको जानकारी दिए ।

नेपाली कांग्रेस धनकुटाका जिल्ला सचिव विजय सन्तोषी राईले तरुण डिफेन्स फोर्सले लोकतन्त्र र संविधानको रक्षाका साथै गाउँ गाउँमा गएर कांग्रेसलाई आगामी निर्वाचनमा विजयी गराउन अभियान संचालन गर्ने वताए ।

तरुण डिफेन्स फोर्सले साँगुरीगढीका १० वटै वडाहरुमा अनियमिता र जनविरोधी क्रियाकलापको भण्डाफोर गर्दै कांग्रेसको पक्षमा यूवा परिचालन गर्ने नव गठित तरुण डिफेन्स फोर्स सागुरीगढीका संयोजक दिपेन सुहाङ्ग लिम्बुको भनाई रहेको छ ।

कार्यक्रममा नेपाल तरुण दल सागुरीगढी गाउपालिका वडा नं. १ का अध्यक्ष विष्णु लिम्बु, वडा नं. २ का अध्यक्ष पूर्ण लिम्बु, वडा नंं ५ का अधयक्ष मिलन लिम्बु, वडा नं. ६ का अध्यक्ष प्रसेश बुढाथोकी, वडा नं. ८ का अध्यक्ष अविलास राई, वडा नं.१० का अध्यक्ष रोहित राई, यूवा नेताहरु निर्देश लिम्बु, देवेन्द्र राई लगायत पनि उपस्थित थिए ।

कार्यक्रममा नेपाली कांग्रेस धनकुटाका जिल्ला सदस्यहरु नेपाल धन राई, पृती वान्तवा, क्षेत्रिय सभापती जितेन्द्र राई, नेपाल तरुण दल धनकुटाका जिल्ला उपाध्यक्ष यूवराज पुराजुली, क्षेत्रिय सचिव प्रकाश राई लगायतको उपस्थिति थियो ।
नेपाल तरुण दल साँगुरीगढीका अध्यक्ष राज लिम्बुको अध्यक्षतमा सम्पन्न भएकोस थियो ।

नेपाली कांग्रेसले यसअघि धनकुटाको पाख्रीबास र धनकुटा नगरपालिकामा तरुण डिफेन्स फोर्स गठन गरिसकेको छ ।