सभामुखलाई सरी भन्दै रावलले लिए राजीनामा फिर्ता

छाल खवर
धरान,८ साउन ःप्रतिनिधिसभा सदस्य पदबाट राजिनामा दिएका एमाले नेता भीम रावलले राजीनामा फिर्ता लिएका छन् ।

रावलले शुक्रबार सिंहदरबारस्थित संसद सचिवालयमा सभामुख अग्नि सापकोटालाई भेटेर उनले राजीनामा फिर्ता लिएका हुन् ।

आफ्नो निर्वाचन क्षेत्रका मतदाता, आमजनता र पार्टी सदस्यहरुको आग्रहअनुसार आफूले राजीनामा फिर्ता लिएको रावलले बताएका छन् ।

निर्णय फिर्ता लिनु परेकोमा सभामुखलाई ‘सरी’ भन्दै उनले राजीनामा फिर्ता लिएको जानकारी गराएका थिए ।

यसअघि प्रधानमन्त्री शेरबहादुर देउवाले विश्वासको मत दिने दिन रावलले प्रतिनिधिसभा सदस्यबाट राजीनामा दिने घोषणा गरेका थिए ।
राजिनामा फिर्ता लिन पार्टी अध्यक्ष केपी शर्मा ओली र वरिष्ठ नेता माधव नेपालले समेत आग्रह गरेका थिए । दुवै नेताको आग्रहलाई स्विकार गर्दै रावलले राजिनामा फिर्ता लिएका थिए ।