पंखवतिद्धारा राहत कोष हस्तान्तण

छाल खवर
धरान,२१ साउन ः पंखवति बचत तथा ऋण सहकारी संस्था लि. बराहक्षेत्र–२ ले शेयर सदस्यलाई राहत कोष हस्तान्तरण गरेको छ ।

सहकारीले शेयर सदस्य बीरमाया राईको परिवारलाई मृत्यु पश्चात राहत कोष हस्तान्तरण गरेको हो ।

केही दिन शेयर सदस्य बीरमाया राईको मृत्यु भएको थियो ।

संस्थाले आफ्ना शेयर सदस्यहरुको लागि गत वर्षदेखि मृत्यु राहत कोषको स्थापना गरेको व्यवस्थापक चक्रबहादुर राईले जानकारी दिएकाछन् ।

बीरमाया राईको परिवारलाई राहत कोषबाट सहयोग स्वरुप ४० हजार नगद हस्तान्तरण गरीएको व्यवस्थापक राईले वताएकाछन् ।

कोषलाई आगामी दिनमा पनि निरन्तरता दिदै लगिने संस्थाले जनाएको छ ।

शेयर सदस्यको मृत्यु पश्चात परिवारमा केही मात्रामा भएपनि सहयोग पुगोस भन्ने उदेश्यले कोषको स्थापना गरीएको संस्थाका अध्यक्ष गणेश गिरीको भनाई रहेको छ ।

राहत कोषले शेयर सदस्यको परिवारमा घटना भएको समयमा केही मात्रामा भएपनि राहत र सहयोग मिल्ने संस्थाको विश्वास रहेको गिरीले उल्लेख गरेकाछन् ।

संस्थाले यसअघि पनि विभिन्न सामाजिक कार्य गर्दै आएको छ ।