आगलागी पीडित आइतीमायाको घर निर्माण

छाल खवर
धरान,३० साउन ः गत वर्ष आगलागिहबाट पीडित धरान– १४ पिण्डेश्वर मन्दिर जाने वाटोकी आइतीमाया लिम्बूको घर निर्माण सम्पन्न भएको छ ।

गत बर्ष असोज ९ गते भएको आगलागीबाट पीडित आइतीमाया लिम्बूको सहयोगीहरुले घर निर्माण गरीदिएका हुन् ।

निम्न आर्थिक अवस्थाकी आइतीमाया लाई घर निर्माण गरीदिएको निर्माण सदस्य दिपक घिसिङले जानकारी दिएकाछन् ।

चिउरा मिलमा ज्याला मजदुरी गरेर जिविकोपार्जन गर्दै आएकी उनको साथमा १७, १८ बर्षको एक छोरा, बुहारी र नाती छन् ।उनकी बुहारी सफारी चलाउछन् तर गुजारा गर्न हम्मे छ ।

देश विदेशबाट सहयोगी दाताहरुबाट साथ पनि मिल्यो । विगत ३ महिनादेखि घर निर्माण कार्य शुरु भयो ।निर्माण सम्पन्न भएको उक्त घर शनिबार एक कार्यक्रमबीच आइतीमायालाई हस्तान्तरण गरिएको थियो ।घर निर्माण भए पश्चात आइतीमायाले खुशी व्यक्त गरेकीछिन्

अभियन्ता मिङ्मा भोेटेको अध्यक्षता, वडा नं ३ का समाजसेवी सर्वजीत राईको प्रमुख आतिथ्यता, वडा नं ३ की जनप्रतिनिधि उषा सुब्बा लगायतको उपस्थितिमा घर हस्तान्तरण भएको हो ।

घर निर्माण प्रसंशनीय कार्य भएको स्थानीयहरुको भनाई रहेको छ ।