लकडाउन फिर्ता लिन कांग्रेस नेता किशोर राईको माग लकडाउन अवैज्ञानिक र अव्यवहारीक छ फिर्ता लिनुपर्छ –व्यवसायी

छाल खवर
धरान,२ भाद्रः नेपाली कांग्रेसका जिल्ला सदस्य तथा धरान नगर पूर्व सभापति किशोर राईले धरानको गर्न लागेको लकडाउन तत्काल फिर्ता लिनुपर्ने माग गरेकाछन् ।

उद्योगी व्यापारीहरुले भर्खरै मात्र आर्थिक वर्षको कारोवारको अन्त्य गरेर नयाँ कारोवारको शुरुवात गर्न लागेको र अर्थतन्त्र डामाडोल भईरहेको अवस्थामा लकडाउनले थप असर गर्ने उहाँको भनाई रहेको छ ।

संक्रमितको संख्या वृद्धि भएकै हो भने वडा वडामा तथ्याङ्क संकलन गरेर त्यस्ता वडाहरुमा शिल गर्ने लगायतका कार्यक्रमहरु गरीनु पर्ने उहाँको सुझाव रहेको छ ।

काही कतै कसैलाई कुनै कारणले संक्रमित भएकै कारणले सिंगो धराने जनतालाई नै प्रभाव पार्ने गरी लकडाउन गर्न नहुने उहाको सुझाव रहेको छ ।

नगर अधिवेशनलाई लक्षित गरी लकडाउन गर्न लागेको समेत राईको भनाईं रहेको छ । वन्दले नगर अधिवेशनलाई प्रत्यक्ष प्रभाव पार्ने समेत उहाको वुझाई रहेको छ ।

नेपाली कांग्रेसको नगर अधिवेशन भाद्र १८ गते तय भईसकेको छ तर कांग्रेस सभापति समेत रहेका नगर प्रमुख तिलक राईले भाद्र ४ गतेदेखि भाद्र १३ गतेसम्म पूर्णलक डाउन गर्न जिल्ला प्रशासन कार्यालयलाई सिफारिस गरेकाछन् ।

लकडाउन अवैज्ञानिक र अव्यवहकारीक भएकोले नगरवासीको मागलाई ध्यानमा राखेर लकडाउनको निर्णय फिर्ता लिनुपर्ने कांग्रेस नेता राईको माग रहेको छ ।

बन्दले गरीखाने मजदुरहरुलाई प्रत्यक्ष असर पर्ने भन्दै सर्वसाधारणले समेत शान्तिपूर्ण प्रर्दशन समेत गरेका थिए ।

के के भन्छन् व्यवसायीहरु

गिरीधारी सापकोटा अध्यक्ष ः सुनसरी उद्योग वाणिज्य संघ,धरान लकडाउन समस्याको समाधान होइन । स्वास्थ्य मापदण्ड कार्यान्वयनमा जोडदिनु पर्दछ । सचेतता अपनाउनु पर्दछ । दिनप्रतिदिन चाडपर्व आउन लागेको छ । उद्योगी व्यापारीहरुलाई यसले ठूलो असर गर्दछ । वन्दको विकल्प खोज्नुपर्दछ ।

व्वसायी भरत श्रेष्ठ ः धरानमा मात्र लकडाउन गर्नुको कुनै अर्थ छैन ।छिमेकी गाउ नगरहरु खुल्ला रहने अनि धरानमा पूर्ण लकडाउनको परिकल्पना असंभव छ । यस्तो निर्णय तत्काल फिर्ता लिनु पर्दछ ।

सन्तोष कुरुङवाङः शैक्षिक व्यवसायीः लकडाउनले समस्याको समाधान गदैन यो व्यवहारीक र वैज्ञानिक पनि छैन । नगरवासीलाई अनावस्यक समस्या मात्र हो तत्काल फिर्ता पर्छ नत्र नेतृत्वलाई समयले वताईदिनेछ । उनले आफूहरुले नगरप्रमुखलाई निर्णय फिर्ता लिन ध्यानाकर्षण पत्र समेत वुझाएको वताएकाछन् ।

सरकारले मजदुर वर्गलाई राहत नदिने तर १० दिनको लागि पुग्ने गरि खाद्यान्न खरिद गर्नु भनेकोप्रति पनि असन्तुष्टी जनाए ।
प्रर्दशनमा सहभागी केही व्यवसायीहरुले उपमहानगरपालिकाले लकडाउनको निर्णय फिर्ता नलिने हो भने लकडाउन अवधिको घरभाडा मिनाहा गर्न निर्देशन दिन समेत माग गरेका थिए ।