धरानको पूर्ण लकडाउन फिर्ता

छाल खवर
धरान,३ साउन ः उद्योगी व्यापारी र सर्वसाधारणको चर्को दवावका कारण धरान उपमहानगरपालिकामा हुने भनिएको पूर्ण लकडाउन गर्ने निर्णय फिर्ता भएको छ ।

बिहीबार आयोजित सर्वपक्षीय बैठकले लकडाउन फिर्ता लिने निर्णय गरेको हो ।नगरपालिकाले भदौ ४ देखि १३ गतेसम्म पूर्ण लकडाउन गर्ने निर्णय गरेको थियो ।

पूर्णलकडाउनको स्वरुप परिवर्तन गरी नियमित निषेधाज्ञा मात्र जारी गर्न जिल्ला प्रशासन कार्यालयलाई अनुरोध गर्ने निर्णय भएको छ ।

धरानमा कडा लकडाउन गर्ने भनेपछि चौतर्फी विरोध भएको थियो भने भानुचोकमा युवाहरु लकडाउनविरुद्ध उत्रिएका थिए ।उनीहरुले यो लकडाउन कथित र अव्यवस्थित भएकोले नगर्न आग्रह गरेका थिए ।

नेपाली कांग्रेसका पूर्व नगर सभापति किशोर राईले पनि लकडाउन आग्रह गरेका थिए ।