धरानमा श्याम पोख्रेल पक्षको उम्मेद्वारी घोषणा

छाल खवर
धरान,२६ भाद्र ः नेपाली कांग्रेस धरानको को १४ औं महाधिवेशनका मा नगरको नेतृत्वको लागि श्याम पोख्रेल समूहको उम्मेद्वारी घोषणा गरेको छ ।

धरान उपमहानगर कार्य समितिको निर्वाचनको लागि पोख्रेल समूहले ७ पदको लागि उम्मेदवारी घोषणा गरेको हो ।

पोख्रेल पक्षले शनिबार धरान किचनमा पत्रकार सम्मेलन गर्दै सभापतिमा श्याम पोखरेलसहित ७ जना पदाधिकारीको उम्मेदवारी घोषणा गरेको थियो ।कार्यक्रममा नगर सभापति पदका लागि श्याम पोख्रेलले उम्मेदवारी घोषणा गरेकाछन् ।

नेवि संघबाट राजनीतिक शुरु गरेको पोखरेल गएको १३ औं अधिवेशनबाट कांग्रेस धरानको सचिवमा निवार्चित भएका थिए । उनले यसअघि नै उम्मेदवारी घोषणा गरिसके पनि पार्टीले औपचारिकरुपमा पदाधिकारीसहितको उम्मेदवारी घोषणा गरेको हो ।

दुई जना उपसभापति पदमा वडा नं १८ का वडाध्यक्ष नरेन्द्रकुमार राई (प्रविण) र वडा नं ५ का वडाध्यक्ष सन्तोष लिम्बुले उम्मेदवारी घोषणा गरेका छन् ।

दुई सचिव पदमा हिमाल श्रेष्ठ र जितेन्द्र राई उम्मेदवार छन् । श्रेष्ठ तरुण दल धरानको सभापति हुन् । राई नेवि संघबाट विद्यार्थी राजनीति गर्दै अहिले पार्टीको भुगोलको राजनीतिमा छन् । उनी धरान १९ का वासिन्दा हुन ।

त्यसैगरी दुई सहसचिवमा पदमा शिला बज्रचार्य र युनेस राना मगरले उम्मेदवारी घोषणा गरेका छन् । बज्रचार्य महिला अधिकारकर्मी तथा समाजसेवी हुन् ।

सहसचिवका अर्का उम्मेदवार मगर पनि नेवि संघमा रहेर लामो समय विद्यार्थी राजनीति गरेका युवा हुन् ।

सो कार्यक्रममा प्रदेश सांसद चन्द्रप्रसाद श्रेष्ठ,क्षेत्रीय सभापति सुरेशमान श्रेष्ठ, जिल्ला सचिव सुजेन्द्र गोले तामाङ, महासमिति सदस्य पर्वत राई, उमेश थापा लगायतले शुभकामना दिएका थिए । नगर प्रमुख तिलक राईले उम्मेद्वार घोषणा गरेका थिए ।