प्रदेश १ र बागमतीमा एसको नेतृत्वमा सरकार वन्ने माधव नेपालको दावी

छाल खवर
धरान,४ असोज ःनेपाल कम्युनिष्ट पार्टी (एकीकृत समाजवादी)का अध्यक्ष माधवकुमार नेपालले प्रदेश नं. १ र बागमती प्रदेशमा आफ्नो पार्टीको नेतृत्वमा सरकार बन्ने दावी गरेकाछन् ।

पेसागत महासंघ नेपालको सोमवार राष्ट्रिय समितिको बिस्तारित बैठकलाई सम्बोधन गर्दै अध्यक्ष नेपालले सो दावी गरेका हुन् ।

नेपालले २ नम्बर प्रदेश, कर्णाली प्रदेश र सुदूरपश्चिम प्रदेशमा आफ्नो पार्टीको संगठन मजवुत वनेको दावी समेत गरेकाछन् ।

बजारमा फैलाए जस्तो आफ्नो पार्टी कमजोर नभएको जिकिर गर्दै पार्टी कसैको पार्टीभन्दा कम नभएकाले कार्यकर्तालाई नआत्तिन आग्रह समेत गरेकाछन् ।

एक र तीन नम्बर प्रदेश (बागमती)मा छिट्टै आफ्नो पार्टीको नेतृत्वमा सरकार बन्न गइरहेको जानकारी दिदै स्वागत गर्नका तयार रहन आग्रह समेत गरेकाछन् ।

एमाले अध्यक्ष केपी ओलीको भनाइप्रति लक्षित गर्दै उनले हाइसन्चो भएको मान्छेले किन संसदमा नारा लगाउनुपर्यो भन्ने प्रश्न समेत गरेका थिए ।

आफ्नो पार्टीलाई सरकारमा गएको देख्न नसकेर सत्ता बर्हिगमन भएकाहरु आत्तिएको टिप्पणी समेत गरेकाछन् ।