छाल खवर
धरान,६ असोज ः पार्टी गठन पछि पहिलो पटक बसेको नेकपा एकीकृत समाजवादीको केन्द्रीय समितिको बैठकले राजनीतिक तथा सांगठानिक प्रतिवेदन पास गरेको छ ।
अध्यक्ष माधव नेपालले तयार पारेको प्रतिवेदनमा नेकपा एमालेलाई प्रमुख दुश्मनको रुपमा हेरीएको छ ।
मुलुकमा अहिले दुई प्रकारका राजनीतिक धार रहेको उल्लेख गर्दै केपी ओली नेतृत्वको एमालेले दक्षिणपन्थी धारको नेतृत्व गरेको प्रतिवेदनमा ठम्याएको छ ।
मंगलबार शुरु भएको केन्द्रीय कमिटीको बैठकमा अध्यक्ष माधव नेपालले पेश गरेको १३ पेज लामो राजनीतिक प्रतिवेदनमा ओली र एमालेलाई प्रमुख दुश्मन किटान गरिएको छ ।
प्रतिवेदनमा एमालेले अलोकतान्त्रिक, असहिष्णु र स्वेच्छाचारी प्रवृति बोकेको दक्षिणन्थी, विदेशपरस्त तथा राजतन्त्रपरस्त शक्तिसँग गठबन्धन गर्ने सोच बोकेको उल्लेख छ ।
त्यसैगरी वाम लोकतान्त्रिक समिकरण (सत्ता गठबन्धन) रहेको यसले लोकतन्त्रको रक्षाका लागि सहकार्य गरेको नेपालले बताएका छन् ।
बर्तमान गठबन्धनलाई चुनावसम्म लैजानुपर्ने प्रस्ताव नेपालको छ । अध्यक्ष नेपालले एमाले एकताका लागि भएको १० बुँदे सहमतिलाई प्राविधिक भन्दै त्यसले कुनै समस्या समाधान नगर्ने बुझेरै आफूहरुले विद्रोह गरेको प्रतिवेदनमा उल्लेख गरेका छन् ।
उनले अव पार्टी मुलुकभर संगठन अभियानमा रहने र जनतालाई ओलीले गरेका दम्भ र अहंकारको वास्तविकताका कारण उत्पन्न समस्याका वारेमा सचेत गराउन कार्यकर्ताहरुलाई निर्देशन दिएकाछन् ।
Pratiwedan of com.Madhavkumar Nepal
Copyright © 2020 / 2025 - Chhalkhabar.com All rights reserved
Website By : Hash Tech Logic
