मुख्यमन्त्री आचार्यद्धारा जितिया पर्वको शुभकामना

छाल खवर
धरान,१३ असोज ः प्रदेश नंं १ का मुख्यमन्त्री भीम आचार्यले मातृवात्सल्य एवंम् स्नेहको अनुपम प्रतिक सन्तानको दीर्घ जीवन तथा पारिवारिक सुख शान्तिका लागि मनाइने जितिया पर्वको अवसरमा शुभकामना व्यक्त गर्नुभएको छ ।

मुख्यमन्त्री आचार्यले शुभकामना जारी गर्दै सम्पूर्ण नेपालीहरुमा सुख, शान्ति, सुस्वास्थ्य, दिर्घायु र प्रगतिको हार्दिक मंगलमय शुभकामना व्यक्त गर्नुभएको हो ।

बहुधार्मिक, बहुभाषीक, बहुजातीय, बहुसाँस्कृतिक विशेषता तथा भौगोलिक विविधतायुक्त हाम्रो मुलुकमा विभिन्न जात जातिले मनाउदै आएका चाड पर्वहरुले हामी नेपालीहरु बिच परस्पर सद्भाव, बन्धुत्वको भावनालाई अभिवृद्धि गर्दै आएको उल्लेख गर्नुभएको छ ।

भौगोलिक, साँस्कृतिक, जातिय, धार्मिक तथा भाषिक विविधतालाई एक आपसमा गाँसेर सामाजिक सद्भाव,, राष्ट्रिय एकता एवंम् साझा नेपालीको पहिचानलाई थप सुदृढ बनाउन सहयोग पुग्ने विश्वास समेत उहाँले लिनुभएको छ ।

जीवित्पुत्री, जिउतिया वा जिमुतवाहनको नामले समेत चिनिने नेपालीहरुको साझा साँस्कृतिक पर्वको रुपमा विकसित हुँदै गरेको विशेषतः आदिवासी थारु तथा तराईवासीहरुले हर्षोल्लासका साथ यो पर्व मनाउने गरेकाछन् ।

यो पर्वले नेपालीहरु बिचको सामाजिक सदभाव, सहिष्णुता तथा सहकार्यलाई अझ दिगो बनाउदै आर्थिक, सामाजिक विकासलाई गति दिदै समृद्ध राष्ट्र निार्मणको साझा राष्ट्रिय संकल्प पुरा गर्न प्रेरणा प्राप्त होस कामना समेत उहाले व्यक्त गर्नुभएको छ