प्रधानमन्त्री शेरबहादुर देउवाको घरमा चोरी,सम्पति सवै चोरको हातमा

छाल खवर
धरान,३० असोज ः प्रधानमन्त्री शेर बहादुर देउवाको घरमा दशैमा चोरी भएको छ । दशैको टिका लगाउन आफन्तकोमा गएका वेला प्रधानमन्त्री देउवाका भाई वस्दै आएको घनगढी स्थित घरमा चोरी भएको उनको पारीवारीक स्रोतल जनाएको छ ।

धनगढी उपमहानगरपालिका –२ सन्तोषी टोलमा देउवाका भाई भरत बहादुर देउवा बस्दै आएका थिए । सोही घरमा शुक्रवार दिउसो दशैको टिका लगाउन आफन्तको घरमा गएको वेला सुनका गरगहना र नगद चोरी भएको हो ।

भरत बहादुरले सन्तोषी टोलमै आफन्तको घरमा टिका लगाउन गएको समयमा चोरी भएको बताएकाछन् ।

भरतबहादुरका अनुसार नगद ४ हजार करिव ३ तोला सुन र ३ तोला चादी चोरी भएको छ भने अन्य सामान सुरक्षित रहेको छ ।

भरत बहादुरले घरको ढोकामा ताल्चा लगाएर टिका लगाउन गएको र आउदा ताल्चा फोडेर दराजको चावी फोडेर नगद र सुन चादीका गहना चोरीएको दावी रहेकाछन् ।

चोरी भएको जानकारी पाउने वित्तिकै त्यस क्षेत्रमा व्यापक रुपमा प्रहरी परिचालन गरीएको जिल्ला प्रहरी कार्यालय कैलालीका प्रहरी प्रमुख प्रहरी उपरीक्षक विश्व अधिकारीले जानकारी दिएकाछन् ।

भिआइपीको घरमा भएको चोरीको घटनालाई निकै चासो र रहस्यका साथ हेरीएको वताईको छ ।

सामान्य नागरीकको घरमा ठूलै घटना हुदा पनि खास महत्व नदिने प्रहरी प्रधानमन्त्री कै घरमा भएको घटनाका कारण निकै सकृय वनेको छ ।