बागमती प्रदेशको मुख्यमन्त्रीमा राजेन्द्र पाण्डे भोलि ३ः१५ बजे शपथ हुदै

छाल खवर
काठमाडौं, १० असोज ः मुख्यमन्त्री अष्टलक्ष्मी शाक्यले राजीनामा दिएपछि बागमती प्रदेशको मुख्यमन्त्रीमा एकीकृत समाजवादीका राजेन्द्र पाण्डे मुख्यमन्त्री वन्ने भएकाछन् ।

उनले मुख्यमन्त्रीका लागि गठबन्धनका तर्फबाट ५९ जना सांसदको समर्थनसहित बुधबार साँझ प्रदेश प्रमुख यादवचन्द्र शर्मा समक्ष दाबी पेश गरेपछि उनी मुख्यमन्त्री वन्ने भएका हुन् ।

प्रदेश प्रमुख शर्माले बिहीबार दिउँसो ३ बजेसम्म दुई वा दुईभन्दा बढी दलको समर्थनमा मुख्यमन्त्री दाबी पेश गर्न प्रदेशसभा सदस्यलाई आह्वान गरेका थिए।

समाजवादीका सांसद वसन्त मानन्धरले दिएको जानकारी अनुसार ११० सदस्यीय प्रदेशसभामा बहुमतका लागि ५६ जना सांसद चाहिनेमा गठबन्धनले ५९ जना सांसदको हस्ताक्षर बुझाएको छ ।

गठवन्धनमा माओवादी केन्द्रका २३, कांग्रेसको २२, एकीकृत समाजवादीका १३ र जसपाका एक जना प्रदेश सभाका सदस्य छन्।

मानन्धरले दाबी पेश भएसँगै बिहीबार दिउँसो ३ः१५ बजेका लागि शपथ ग्रहणको कार्यक्रम तय भएको जानकारी दिएकाछन् ।

गठवन्धन मध्येका दलहरुले प्रदेश नं १ र वाग्मति प्रदेशमा एकिकृत समाजवादीलाई मुख्यमन्त्री दिने गरी सहमति गरेकाछन् ।