प्रेस सेन्टर सुनसरी अध्यक्षमा तीर्थ कार्की सर्वसम्मत चयन

  छाल खवर
धरान,१७ असोज ः नेकपा (माओवादी केन्द्र) निकट प्रेस सेन्टर नेपाल सुनसरीको मंगलबार इटहरीमा सम्पन्न चौँथो अधिवेशनले तीर्थ कार्कीको अध्यक्षतामा २१ सदस्य नयाँ समिति चयन गरेको छ ।

समितिको उपाध्यक्षमा लेखनाथ दंगाल, महिला उपाध्यक्षमा अनिता रसाइली, सचिवमा अच्युत भट्टराई, सहसचिवमा मनोज निरौला, सहसचिव समावेशीमा दिलबहादुर राई र कोषाध्यक्षमा सविना राई चयन हुनुभएको छ ।

त्यसैगरी सदस्यहरुमा मनि काङमाङ, सुमित थापा, राजकुमार श्रेष्ठ, टिकाराम विक, अम्बिका पाँचकोटी, संगीता चौधरी, नगेन्द्र बजगाई र विनिता कटुवाल चयन हुनुभएको छ ।

बाँकी ६ सदस्य समितिको बैठकले थप गर्ने गरी रिक्त राखिएको छ ।

अधिवेशनले प्रदेश प्रतिनिधिमा रश्मी प्रधान, गोविन्द बस्नेत, विशाल राई, धनकुमार राई (मिलन) र लोकराज निरौलालाई चयन गरेको छ ।

यसैगरी केन्द्रिय अधिवेशन प्रतिनिधिमा गणेश तिम्सिनालाई चयन गरेको छ । बाँकी प्रदेश र केन्द्रिय अधिवेशन प्रतिनिधि समितिको बैठकले चयन गर्ने नवनिर्वाचित अध्यक्ष तीर्थ कार्कीले जानकारी दिनुभयो ।

यसअघिको कार्यसमितिमा सचिव रहनुभएका कार्की पत्रकारिता, क्षमता अभिवृद्धि तथा व्यक्तित्व विकास सम्बन्धि प्रशिक्षक पनि हुनुहुन्छ । दन्तकाली एफएम धरानका सम्पादक तथा कार्यक्रम प्रस्तोता रहनुभएका उहाँ शहिद परिवार समेत हुनुहुन्छ ।

नेकपा माओवादी केन्द्र सुनसरी इन्चार्ज तथा केन्द्रिय सदस्य निर्मल बरालको प्रमुख आतिथ्यमा सम्पन्न अधिवेशनले सर्वसम्मत नेतृत्व चयन गरेको हो ।

संगठनका प्रदेश नं. १ इन्चार्ज राजन केडी, संयोजक श्रीशीशा राई, केन्द्रिय अधिवेशन आयोजक समिति सदस्य केशव घिमिरे, गंगा बराल, जनकक्रृषि राई लगायतले शुभकामना मन्तव्य राखेका थिए ।