बराहक्षेत्रमा निःशुल्क आधारभूत पत्रकारिता र उद्घोषण तालिम 

छाल खवर
धरान,१५ फागुन ः प्रेस सेन्टर नेपाल सुनसरीले बराहक्षेत्रमा निःशुल्क आधारभूत पत्रकारिता र उद्घोषण तालिम सम्पन्न गरेको छ ।

प्रेस सेन्टर नेपाल सुनसरीको आयोजनामा बराहक्षेत्रमा शुक्रबार र शनिवार गरी २ दिने आधारभुत पत्रकारिता तथा उद्घोषण तालिम दिइएको हो ।

सेन्टरका सुनसरी सचिव तथा तालिम संयोजक अच्युत भट्टराईका अनुसार नगर क्षेत्रभरीबाट ३३ जनाले तालिममा सहभागीता जनाएकाछन् ।

तालिममा मासमा कसरी बोल्ने, स्टेज कार्यक्रम कसरी चलाउने, आत्माबिश्वास कसरी बढाउने, माइक्रो फोनको प्रयोग कसरी गर्ने भन्ने बारेमा प्रशिक्षण दिएकोे सेन्टरका जिल्ला अध्यक्ष एबम तालिमका सहजकर्ता तिर्थ कार्कीले जानकारी दिए ।

नया युवा पत्रकार उत्पादन गर्ने उद्देश्यले आधारभूत तालिमको आयोजना गरेको कार्कीको भनाई रहेको छ ।

तालिमको उद्घाटन सेन्टरका केन्द्रीय सदस्य एबम् नेपाल पत्रकार महासंघ सुनसरीका अध्यक्ष जनक ऋषि राई प्रमुख अतिथी रहेका थिए ।

तालिम निकै फलदायी एवम् उपलब्धीमुलक भएको सहभागी तिर्थराज घिमिरेको भनाई रहेको छ । यस अघि पनि सेन्टरले गत माघ (६ देखि १०) गते सम्म धरानमा ५ दिने आधारभूत निःशुल्क पत्रकारिता तालिम संचालन गरेको थियो ।

सो तालिममा सहभागीता भएका प्रशिक्षार्थीहरु अहिले सुनसरीको विभिन्न मिडियामा कार्यरत रहेका छन् ।