खानेपानी समिति अध्यक्षमा सन्जुहाङ

छाल खवर
धरान,१७ फागुन ःखानेपानी ब्यवस्थापन उपभोक्ता समिती धरान ११ र १७ को साधारण सभाले सन्जुहाङ सावाको अध्यक्षमा नयाँ समिति गचयन गरेको छ ।

समितिको उपाध्यक्ष,सचिव र कोषाध्यक्षमा क्रमस मानबहादुर पाचकोटी,क्षितिज राई, निरु लिम्वु रहेकाछन् ।

समितिको सदस्यमा टेकबहादुर लिम्वु, प्रज्ञा राई, विकास राई,सोमरा राई, नगेन्द्र याक्खा चयन भएकाछन् ।

धरान ११ स्थित सगरमाथा टोल स्थित सो क्षेत्रमा करिव २० वर्षदेखि सञ्चालन हुदै आएको छ । सो आयोजनाले धरान १७ का केही भागमा समेत खानेपानी वितरण गर्दै आएको छ ।

पकुवा खोलाबाट खानेपानीको योजना शुरु गरीएको उक्त योजनाले हाल कोकाखोलाबाट समेत योजना थप गरी खानेपानी व्यवस्थापन गर्दै आएको छ । सो योजनाले करिव १५ सय घर परिवारलाई खानेपानी वितरण गर्दै आएको छ ।

आयोजना दर्ता भएपछि यो पहिलो साधारण सभा हो ।

अधिकांश सुकुम्वासी बसोवास रहेको सो क्षेत्रमा उक्त खानेपानी आयोजनाले निकै ठूलो प्रभाव पारेको छ । उक्त आयोजना सञ्चालनपछि सो क्षेत्रका उपभोक्ता लाभान्वित भएकाछन् ।