कांग्रेस क्षेत्रीय सदस्य टिका राईको नेतृत्वमा ३ सय जना नेकपा माओवादी केन्द्र प्रवेश

छाल खवर
धरान,२०फागुनः निर्वाचनको समयमा दल परित्याग र प्रवेशको लहर चल्ने गरेको छ । सोहीक्रममा धरान–१७ मा पनि त्यस्तै भएको छ ।

अखिल नेपाल महिला (अनेम)संघ क्रान्तिकारीको धरान उपमहानगरपालिका वडा नम्बर १७ को वडा भेलाका क्रममा पार्टीै प्रवेश समेत भएको हो ।

यसै कार्यक्रममा नेपाली कांग्रेसको क्षेत्रीय सदस्य टिका राईको नेतृत्वमा ३ सय जना पार्टी परित्याग गरी नेकपा (माओवादी केन्द्र) प्रवेश गरेका छन ।

पार्टीले जनताको काममा चासो नदेखाएर पार्टीका नेताको मात्र काम गर्ने नेताहरुको भिड भएकोले नेपाली कांग्रेस जनताको पार्टी नभएको ठहर गर्दै पार्टि परित्याग गरेको राईले बताए । उनले भने जनताको मनोभावना बुझ्ने नेकपा माओवादी केन्द्र भएको बताए । उनले भने हाल मुलुक माओवादी कै रोडम्यापमा हिँडेको बताए ।

धरान १७ स्थित उदय सामुदायिक भवनमा सम्पन्न कार्यक्रममा बबिता कार्कीको अध्यक्षतामा १०१ सदस्यीय अनेम संघ क्रान्तिकारीको वडा कमिटि गठन भएको छ ।कमिटिको सचिवमा उषा परियार चयन भएकी छन ।

अनेम संघ क्रान्तिकारिको अध्यक्षतामा आयोजित पार्टी प्रवेश तथा अनेम संघ कमिटि वडा भेला कार्यक्रममा प्रदेश सदस्य मुक्सामहाङ मेन्याङ्बो मुकेश प्रमुख अतिथि रहेका थिए ।

त्यसैगरी प्रदेश सदस्य आइन्द्र विक्रम बेघा, जस कुमार राई प्रवेश, पुर्ण भुजेल चिन्तन, अनेम संघ क्रान्तिकारी सुनसरी जिल्ला अध्यक्ष ज्योती लिम्बु, नगर अध्यक्ष सोमा गीरी अतिति रहेका थिए । यस्तै नेकपा ९माओवादी केन्द्र० पार्टी धरान उपमहानगरपालिका नगर कमिटि सदस्य मनोज भट्टराई, युवराज विष्ट लगायतका नगर सदस्यहरुको पनि अतिथिको रुपमा उपस्थिती थियो ।

त्यसैगरी धरान १७ नम्बर वडा पार्टी अध्यक्ष सुबास बर्देवासमेत अथितिको रुपमा उपस्थिती भएको कार्यक्रम अनेम संघ क्रान्तिकारी धरान १७ वडा कमिटि सचिव उषा परियारले सञ्चालन गरेकी थिइन ।