छाल खवर
धरान,२५ चैत ःसौय हेल्थ केयर फाउण्डेशन प्रा.लि. धरानले सुनसरीका सञ्चारकर्मीहरुका लागि निःशुल्क स्वास्थ्य परीक्षण तथा भिटामिन डी खोप कार्यक्रम सम्पन्न गरेको छ ।
कार्यक्रममा ३१ जनाले ल्याब परीक्षण, ४५ जनाले भिटामिन डी खोप लगाएको र ४५ जनाले इसिजी सेवा निःशुल्क लिएको फाउण्डेशनका अध्यक्ष डाक्टर प्रमोद अग्रवालले जानकारी दिनुभएको छ ।
अध्यक्ष अग्रवालका अनुसार फाउन्डेसनले पहिलो पटक घरबार विहीन सडक मानवहरूलाई निःशुल्क सेवा दिने गरेको छ । फाउण्डेशनले स्वास्थ्य सेवाको पहुँचमा नभएका समुदायका लागि सरकारी, गैरसरकारी समूह सँग सहकार्य गरी निःशुल्क प्राविधिक सेवा प्रदान गर्ने थप योजना सार्वजनिक गरेको छ ।
फाउन्डेसनले सरकारी, गैरसरकारी संस्थाहरू, मेडिकल सेवा तथा अन्य क्षेत्रसँग सहकार्य गरेर स्वास्थ्य परीक्षणको सेवालाई सबैको पहुँचमा पुर्याउने लक्ष्य लिएको उहाले जानकारी दिनुभयो ।
कार्यक्रममा सौर्यका प्रबन्ध निर्देशक डा. मोनिका अग्रवाल, प्रबन्धक लुइसजेम्स राईले कम्पनीले दिदैं आएका सेवाहरूमा प्रकाश परेका थिए ।
२०७० साल देखी सञ्चालनमा आएको सौर्य फाउन्डेसन धरानको आधुनिक प्रविधिका सुविधा सम्पन्न स्वास्थ्य परीक्षण सेवा प्रदायक कम्पनी हो ।
फाउण्डेशनद्धारा सञ्चालित सेवाहरुमा हाडजोर्नि नसाका समस्याको उपचार, फिजियो थेरापी, दाँत सम्बन्धी सबै उपचार, सुरक्षित गर्भपतन, कान नसुन्नेहरूको परीक्षण सेवा सञ्चालनमा रहेको छ ।
ल्याब सेवामा भिटामिन डी, भिटामिन डी जाँच, होलबडी जाँच, थाइराइड, भिडियो एक्स–रे, डिजिटल एक्स–रे, कोलेस्ट्रोल, कलेजो र मिर्गौला जाँच, मुटु रोगको इसिजि परीक्षण लगायतका परीक्षणहरूमा न्यूनतम शुल्क कायम गरिएको सञ्चालकले जानकारी दिएकाछन् ।
कार्यक्रमको संयोजन नेपाल पत्रकार महासङ्घ सुनसरीले गरेको थियो । फाउण्डेशले सञ्चारकर्मीहरूको लागि स्वास्थ्य निःशुल्क परीक्षण शिविर आयोजना गरेर सेवा दिएकोमा धन्यवाद ज्ञापन गनुभएको थियो । अध्यक्ष राईले आगामी दिनहरुमा पनि स्वास्थ्य क्षेत्रमा फाउण्डेशनसंग महासंघ सहकार्य गरेर अघि वढन तयार रहेको वताउनु भयो ।
कार्यक्रममा महासङ्घ प्रदेश समिति उपाध्यक्ष लवदेव ढुङ्गाना, प्रदेश समिति सचिव देवेन्द्र कार्की,प्रदेश सदस्य पिवि दियाली,अग्रज पत्रकार हर्ष सुव्वा,वरिष्ठ पत्रकार गोपाल देवान लगायतको उपस्थिति रहेको थियो ।
मेहतालाई सौर्य हेल्थ केयर यूथ अवार्ड प्रदान गरिने
सौर्य हेल्थ केयर प्र्रा.लि.ले यस वर्षको ‘सौर्य यूथ अवार्ड’ स्वास्थ्यकर्मी उमेश मेहतालाई प्रदान गर्ने भएको छ ।
फाउन्डेसनले यस वर्ष उक्त अवार्ड धरान उपमहानगरपालिका स्वास्थ्य महाशाखाका प्रमुख उमेश मेहतालाई प्रदान गर्ने घोषणा गरेको छ ।
मेहेताले धरानमा कोरोना महामारीका बेला जनचेतना, कोभिड रोकथाम भ्याक्सिन अभियानमा महत्त्वपूर्ण योगदान पुर्याएको आधारमा उक्त अवार्ड प्रदान गरिन लागेको अध्यक्ष अग्रवालले जानकारी दिनुभयो ।
कोविडको समयमा मेहताले ज्यानको वाजी लगाएर सेवामा खटिएका थिए ।
फाउन्डेसनले स्वास्थ्य सेवालाई सर्वोत्तम सेवा गर्दै सामाजिक क्षेत्रमा उत्कृष्ट योगदान गर्ने युवालाई प्रोत्साहित गर्न प्रत्येक वर्ष ‘सौर्य यूथ अवार्ड’ प्रदान गर्ने भएको छ ।
Copyright © 2020 / 2025 - Chhalkhabar.com All rights reserved
Website By : Hash Tech Logic
