म धरानको विकासको पक्षमा सधै उभिनेछु – अशोक राई

छाल खवर
धरान,२४ साउन ः जनता समाजवादी पार्टीका सङ्घीय परिषद् अध्यक्ष अशोक राईले आफू धरानको समग्र विकासको लागि सधैं उभिने वताएकाछन् ।

पार्टीले नेपाल पत्रकार महाससंघ सुनसरीको धरान स्थित कार्यालयमा आयोजना गरेको पत्रकार भेटघाटमा वोल्दै राईले सो कुरा वताएका हुन ।

कार्यक्रममा वोल्दै उनले मंसिसर ४ गते हुने आम निर्वाचनमा पनि यही गठवन्धन कायम गरेर अघि बढ्ने स्पष्ट पारेकाछन् ।
गठवन्धन गरेर जाने विषयमा गठवन्धन दलहरुमा छलफल भएपनि सिट बाडफाडको कुरामा भने जनता समाजवादी पार्टीले केही निर्णय गरी नसकेको जानकारी दिएका थिए ।

स्पष्ट रुपमा नभने पनि राई आम निर्वाचनमा आफू सुनसरी क्षेत्र नम्बर १ बाट चुनाव लड्ने संकेत पनि गरेका थिए ।

२०७४ सालको निर्वाचनमा यससै क्षेत्रबाट निर्वाचन लडेका राईले पुनः एक पटक यससै क्षेत्रबाट चुनाव लड्ने चाहाना रहेको वताएका थिए ।

उनले धराने जनताले यस अघि पनि माया गरेकोले अझै त्यो मायालाई आत्मासात गर्दै अझ थप उचाईमा माया पाउने विश्वास रहेको वताएका थिए ।

धराने जनताले भारी विश्वासका साथ यस पटक आफूलाई साथ दिनेमा आफू ढुक्क रहेको उनको भनाई थियो ।