कहाँ कहाँ बाट चुनावी मैदानमा छन् एकीकृत समाजवादीका २० नेता

छाल खवर
धरान,२९ असोज ः सत्तारुढ गठवन्धनमा रहेको नेकपा (एकीकृत समाजवादी) ले २० निर्वाचन क्षेत्रमा कहाँ कहाँबाट चुनावी मैदानमा प्रतिष्पर्धामा रहेकाछन् ।

सत्तारुढ २० सिटसहित चुनावी मैदानमा उत्रिएको समाजवादीले एमालेसँग प्रतिष्पर्धा गर्र्दैछ ।

सत्तारुढ गठबन्धनको संघीय संसद्को सिट बाँडफाँडमा एकीकृत समाजवादीको भागमा २० सिट परेको हो ।

पार्टीले दिएको जानकारी अनुसार एकीकृत समाजवादीका अध्यक्ष माधवकुमार नेपाल गृह जिल्ला रौतहटबाट चुनावी प्रतिष्पर्धा गर्दैछन् । अध्यक्ष नेपालसँग रौतहट १ मा एमालेका अजय गुप्ता प्रतिस्पर्धामा छन् ।

यता पार्टीका सम्मानित नेता झलनाथ खनाल इलाम क्षेत्र नम्बर १ बाट मैदानमा छन् भने उपमहासचिव जगन्नाथ खतिवडाले उदयपुर २ बाट उम्मेदवारी दिएकाछन् ।

खनालले एमालेका महेश बस्नेतसँग प्रतिस्पर्धा गर्दा खतिवडाको प्रतिस्पर्धी एमालेकै अम्मरबहादुर रायमाझी छन् ।

बागमती प्रदेशमा मुख्यमन्त्री रहेका एकीकृत समाजवादीका चुनावी मैदानमा छन् भने सचिव रामकुमारी झाँक्री गुल्मी २ बाट चुनावी मैदानमा छिन् ।

पाण्डे र झाँक्री दुवैको प्रतिस्पर्धा एमालेसँग छ । पाण्डेले एमालेका भूमि त्रिपाठी र झाँक्रीले एमालेकै लोकप्रिय युवा नेता गोकर्ण विष्टसँग प्रतिस्पर्धा गर्नुपर्ने छ ।

त्यस्तै सोमप्रसाद पाण्डे पाल्पा २, मेटमणि चौधरी दाङ १, जीवनराम श्रेष्ठ काठमाडौं ८, शेरबहादुर कुँवर अछाम १, श्रीनाथ बराल कास्की २, विरोध खतिवडा मकवानपुर १, कृष्णलाल महर्जन ललितपुर २ बाट चुनावी मैदानमा छन् ।
उता धर्मनाथप्रसाद साह सिराहा ४, कृष्णकुमार श्रेष्ठ बारा ४, भानुभक्त जोशी बझाङ, प्रकाश ज्वाला सल्यान, अम्मरबहादुर थापा दैलेख १, प्रेम आले डोटी र हरिकुमार राना झापा २ बाट निर्वाचन लड्नेछन् ।

समाजवादीले २० मध्ये १९ निर्वाचन क्षेत्रमा एमालेसँग प्रतिस्पर्धा गर्नेछ ।

सिराहा ४ मा धर्मनाथप्रसाद साह बाहेक एकीकृत समाजवादीका सबै उम्मेदवारले एमालेका उम्मेदवारसँग प्रतिस्पर्धा गर्दैछन् ।

रूपन्देही २ मा उक्त पार्टीका उम्मेदवारको उम्मेदवारी निर्वाचन कार्यालयले खारेज गरेपछि कानुनी प्रकृयामा छ ।
समाजवादीलाई निर्वाचन जित्नको लागि गठवन्धनमा रहेका अन्य दलको भर पर्नु पर्नेछ ।