घिमिरेद्वारा पिताको सम्झनामा वीपी प्रतिष्ठानलाई व्हील चियर र विरामीलाई औषधि सहयोग

छाल खवर
धरान,२५ असार ः युवा शैक्षिक व्यवसायी समाजसेवी सुरेन्द्र घिमिरेले स्वर्गिय बुवा कमलापति घिमिरेको सम्झनामा वीपी प्रतिष्ठानका क्यान्सरका बिरामिहरुका लागि ५० हजार रुपैया बराबरको २ वटा ह्वील चियर र औषधि सहयोग गरेका छन।

धरान–१४ निवासी घिमिरेले सोमबार प्रतिष्ठानको ओन्कोलोजि बिभागमा प्रतिष्ठानकी क्यान्सर रोग बिशेषज्ञ डा.सोनिया दुलाललाई सो सामाग्री सहयोग गरेका थिए ।

घिमिरेका बुवा कमलापतिको गत ज्येष्ठ २४ गते ७२ वर्षको उमेरमा प्रतिष्ठानमा उपचारका क्रममा निधन भएको थियो।

बुवालाई प्रतिष्ठानमा क्यान्सरको उपचार गराउदा आफुले व्हील चियरको अभाव र कतिपय बिरामिका आफन्तले औषधि किन्न नसक्ने अबस्था नजिकबाट नियालेको हुनाले थोरै भए पनि राहत मिलोस भन्ने उदेश्यले बुवालाई स्मरण गर्दै सहयोग गरेको घिमिरेले बताए।

प्रतिष्ठानकी क्यान्सर रोग बिशेषज्ञ डा.दुलालले क्यान्सर पीडित बिरामिहरुका लागि स्वच्छ मनले सहयोग गर्नु अत्यन्तै महान कार्य भएको बताउदै सहयोगका लागि घिमिरेलाई धन्यवाद ब्यक्त गरेकी थिइन ।