बहुमत ल्याउन सक्रिय हुन पार्टी सदस्यहरुलाई अध्यक्ष ओलीको निर्देशन

छाल खवर
धरान,११ माघः नेकपा एमालेले पार्टी सदस्यहरूलाई बहुमत ल्याउने गरी चुनावमा होमिन अपिल सहितको पत्र पठाएको छ ।

अध्यक्ष केपी शर्मा ओलीको हस्ताक्षर सहितको पत्र पठाउँदै एमालेले पार्टी सदस्यहरूलाई बहुमत सिट ल्याउने गरी चुनावमा होमिन आग्रह गरेको हो ।

‘देश निर्माणका लागि हाम्रो पार्टीलाई बहुमत आवश्यक छ । अत बहुमतका लागि अपरिहार्य पार्टीका उम्मेदवारहरूको विजय सुनिश्चित गर्न उच्च मनोबल र सक्रिय सहयोगको हार्दिक अपेक्षा गर्दछु,’ अपिलमा भनिएको छ ।

एमालेको यस्तो पत्र पार्टीका ६ लाख ६३ हजार पार्टी सदस्यलाई पठाइएको छ । पार्टीको यो अपिल पार्टीका सदस्यहरूका लागि मात्रै नभएर आम मतदातालाई पनि भएको प्रचार विभाग संयोजक मीनबहादुर शाहीको भनाई रहेको छ ।