एमालेबाट को को परे समानुपातिकमा नामसहित

छाल खवर
धरान,३० फागुनः नेकपा एमालेले समानुपातिकतर्फ १६ जना सांसदको नाम टुङ्गो लगाएको छ ।

पार्टी अध्यक्ष केपी शर्मा ओली निवास गुण्डुमा बसेको सचिवालय बैठकले १६ जनाको नाम निर्वाचन आयोगमा सिफारिस गर्ने निर्णय गरेको उपमहासचिव लेखराज भट्टले जानकारी दिएकाछन् ।

भट्टले दिएको जानकारी अनुसार जनजाति महिलामा भूमिका सुब्बा,गंगादेवी श्रेष्ठ,पुरुषमा रामबहादुर थापा मगर,कुलभक्त शाक्य रहेकाछन् ।

त्यसैगरी खस आर्य महिलामा पद्मा अर्याल,टुकाभद्रा हमाल छन भने पिछडीएको क्षेत्रबाट एशुदा कुमारी बराल सिफारीस भएकाछन् ।
पुरुषतर्फगुरु प्रसाद बराल,पुष्पराज कंडेल थारुमा कृपाराम राना रहे्काछन् ।

त्यस्तै दलित महिलामा विष्णुमाया वि.क.,नीता घतानी छन् भने मधेसी महिलामा रिङ्ला यादव,यशोधा कुमारी यादव र मधेशी पुरुषमा चन्द्रेश्वर मण्डल छन् । मुस्लिम महिलामा साजिदा सिद्दीकी सिफारीस भएकाछन् ।