१३औं भेडेटार फुड फेस्टिबल सुरु, भारतिय पर्यटकको ओईरो

खबरः
र भेडेटार घुम्न आएका भारत विहार पुर्नियाका रोहित रायले नयाँबर्ष मनाउन २ बर्ष अघि आएको बताएका छन् । उनले यहाँको दृश्य राम्रो लागेको घुम्न लायकको भएको बताए ।

त्यस्तै परिवार सहित आएका अर्का भारतिय पर्यटक एम। डि। तोर्की रानाले भेडेटार युनिक रहेको बताए । उनले भने, ‘म सिलिगडी घुमे, कस्र्याङ घुमे तर भेडेटार यनिक लाग्यो ।’

कोशी प्रदेशकै चर्चित पर्यटकीय गन्तव्य भेडेटारमा १३औँ संस्करणको भेडेटार फुड एण्ड फेस्टिवल सुरुवात सँगै भारतिय पर्यटकहरुको आगममन बाक्लिन थालेको छ । विशेष गरेर भारतिय पर्यटकहरुलाई भित्रयाउने लक्ष्यका साथ अंग्रेजी नयाँबर्षको अवसर पारेर होटल एशोसियसन भेडेटारले आयोजना गरेको फुडफेस्टिवल २०८२ विधिवत रुपमा सुरुवात भएको हो ।

आज देखि १८ गतेसम्म सञ्चालन हुने महोत्सवको समुद्घाटन कोशी प्रदेशका वन वातावरण तथा पर्यटन मन्त्रालयका मन्त्री सदानन्द मण्डलद्वारा भएको हो । प्रमुख अथिति पर्यटन मन्त्री मण्डलले भेडेटारको संस्कार संस्कृति र मनोरमदृश्यको प्रचार गरिदिन भारतिय मिडिया र सञ्चारकर्मीलाई आह्वान गरे । उनले च्याब्रुङ नाच, साकेला नाच, हुर्रा नाच तर्फ ईगित गर्दै भने, ‘हाम्रो देशको भेषभुषा संस्कृति कसैसँग मिल्दैन, हाम्रा जनजाती, आदिवासीका पहिचान हुन यि, यिनको र हाम्रो खानपाको बारेमा प्रचारको लागि अगाडि बढ्न आग्रह गर्दछु ।’
भेडेटारमा धेरै भन्दा धरै भारतिय पर्यटकलाई भित्र्याउन योजना बनाएको एशोसियसनले यस पटक भारत विहारका पत्रकार र सञ्चारकर्मीलाई विशेष महत्व दिएर प्रर्वद्धन गरेको छ । प्राकतिक अनुपम पाएको भेडेटारलाई भारतिय पर्यटकबीच परिचित गराउन त्यहाँका सञ्चार माध्यमलाई विशेष महत्व दिएर आह्वान गरेको साँगुरीगढी गाउँपालिकाका प्रमुख जितेन्द्र रुम्दाली राईले बताए ।
न्युज २१ विहारक कि सविता मिश्रले भेडेटार भेडेटार महोत्वसवको विहारमा व्यापक प्रचार गर्न सफल भएको दावी गरेकी छिन् । ‘हामीले विहारमा भेडेटारको बारेमा सक्दो प्रचार प्रसारको प्रयास गरेका छौ ।’ उनले भनिन् ।
घरेलु उत्पादनको स्टल, अर्ग्यानिक तरकारी तथा फलफूल, हस्तकला, जातीय खाना लगायतको २२ वटा जति क्यानोपी स्टलहरु राखिएको होटल एशोसिएसन् भेडेटारका अध्यक्ष तथा फेस्टिबलका अध्यक्ष तुमराज लिम्बुले जानकारी दिए ।

साँगुरीगढी गाउँपालिका भेडेटारको सहयोगमा हँदै आएको महोत्सवको अवसरमा आउने पाहुना पर्यटकलाई गेटमै फूलमालाले स्वागत गर्ने, उनीहरूबाट राय९सल्लाह लिने नयाँ अभ्यास सुरु गरेको छ । अघिल्ला वर्षजस्तै केवल अवलोकन मात्र नभई यस पटक पर्यटकले कृषि उत्पादन किनेर लैजान सक्ने व्यवस्था गरिएको छ ।
अध्यक्ष लिम्बुका अनुसार भोलीबाट ‘लाइभ किचन एण्ड शो’, ‘लोकल सेफ ब्याटल’, ‘मेक योर ओन प्लेट’ ९पाकेको खानालाई आफैले सर्भ गरिने०, ‘फास्ट इटिङ च्यालेन्ज’ जस्ता मनोरञ्जनात्मक गतिविधि हुनेछन् । पारर्दशिताको लागि होटलहरूमा रेट लिस्ट अनिवार्य, पर्यटकलाई स्वस्थकर खाना उपलब्ध गराउनको लागि फुड क्वालिटी मोनिटरिङ, खाद्य निरीक्षण स्टल, स्वास्थ्य र सुरक्षाको लागि मेडिकल डेस्क तथा लस्ट एण्ड फाउन्ड डेस्क समेत राखिएको अध्यक्ष लिम्बुले जानकारी दिए ।
कृषि मेला प्रदर्शनी २०८२ पनि उद्घाटन

विगत ४ बर्ष देखि फुडफेििस्टबलसँगै साँगुरीगढी गाउँपालिकाका कृषकहरुबाट उत्पादन गरिएका खाध्यन्न तथा साग सब्जी, फलफूला प्रर्दशनी गरिँदै आएको छ । यस साल पनि ५३ जना कृषकले उत्पादन गरिएको सागसब्जी, अन्न र फलफूल प्रर्दशनमा राखिएको छ । यसको पनि प्रमुख अथिति मन्त्री मण्डलले उद्घाटन गरे ।
प्रर्दशनमा राखिएका उत्पादित बस्तुहरुको मुल्याङकन गरि कृषकहरुलाई प्रोत्साहन स्वरुप पुरस्कृत गरिने योजना रहेको साँगुरी गाउँपालिकाका कृषि विकास शाखा प्रमुख हरि आले मगरले बताए । उनका अनुसार १८ गते १ देखि १० वडासम्मका सहभागी ५३ कृषकलाई छनौट गरि पुरस्कृत गरिनेछन् ।

दुई पत्रकार सम्मानित

आयोजकले १३औँ संस्करणको महोत्सव उद्रघाटन समारोहको बीच दुई पत्रकारलाई सम्मान गरेको छ । पत्रकारिताको माध्यमबाट भेडेटारको पर्यटन प्रवर्द्धन, संरक्षण तथा समग्र विकासमा उल्लेखनीय योगदान पुर्‍याएको भन्दै गणतन्त्र एफ।एम।तथा गणतन्त्र खवर डट कमका सम्पादक रोहितकुमार बस्नेत ९डेविट० र धनकुटाका रासस सम्वादाता तथा पत्रकार महासँघ धनकुटाका कोषाध्यक्ष नारायण राईलाई नगद रु।१० हजार सहित सम्मान गरिएको छ ।
समारोहका प्रमुख अथिति कोशी पर्यटन मन्त्री मण्डल, गाउँपालिका अध्यक्ष राई र एशोसिएसनका अध्यक्ष लिम्बुले पुरस्कार राशी सहित सम्मान गरे ।